AMEA Mərkəzi Elmi Kitabxanasının (MEK) Vikipediya Təlim Mərkəzində Fiziologiya İnstitutunun əməkdaşları üçün təlim keçirilib. Təlimdə İnstitutunun “Təbii mənşəli heroprotektorların farmakologiyası”, “Hüceyrənin morfofunksional plastikliyi” və “Neyrofiziologiya” laboratoriyalarının əməkdaşları iştirak edib. Təlim Vikipediyada məqalələrin yerləşdirilməsinə dair bilik və bacarıqların formalaşdırılması məqsədi daşıyırdı. Təlimlərin ilk günündə, “Vikipediya”-nın yaranma tarixi və ümumi anlayışları haqqında geniş məlumatları MEK-ın Sərbəst elektron resurslar şöbəsinin Təlimlər bölməsinin rəhbəri Günay Məmmədova tərəfindən verilmişdir. Növbəti günlərdə təlim şöbənin mütəxəssisləri Rəcəb Həsənbəyov və Nuray Tanrıverdiyeva tərəfindən keçirilmişdir. MEK-ın “Vikipediya” təlimlərində iştirak edən - Fiziologiya İnstitutunun könüllüləri - “Azərbaycanda Fiziologiyanın inkişaf tarixi”, “Hipokineziya”, “Monoaminoksidaza”, “Amin turşuları”, “Psixofiziologiya”, ”Əsas mübadilə” və s. mövzularda məqalələr hazırlayıb fəal iştirak ediblər.
27 noyabr 2018-ci il tarixində təlim keçən əməkdaşlar b.ü.f.d., a.e.i. Elmira Ağayeva, b.ü.f.d., a.e.i. Armilla Əzimova, k.e.i. Solmaz Qədimova, k.e.i Gülnarə Hüseynova sertifikat ilə təltif olunublar.
© Bütün hüquqlar qorunur. Xəbərlərdən istifadə edərkən www.physiology.az saytına istinad zəruridir.
